Navro’z umumxalq bayrami bayram senariysi

Navro’z umumxalq bayrami bayram senariysi

Xush kelding Navro`z!

Chechaklar barq urib, keldi Navro`zim,

Don-dunim, osh-nonim ham rizqu ro`zim,

Jaxonga tik boqqan sen qora ko`zim,

Xush kelding Navro`zim, dillarga xamdam,

Bizning quvonchlardan quvonsin olam.

“Navro`z” bayramini o`tkazish  ssenariysi

Aylabon Lutfiy – karam Navro`zi olam keldilar.

O`smadan qoshi qalam Navro`zi olam keldilar.

Tadbir o`tkaziladigan zal bayram libosida qilib bezatiladi. Zalning to`rida “Assalom Navro`z” yon tomonlarida bahorni madh etuvchi shiorlar yozilgan plakat va  lozunglar ilingan bo`ladi. Zalning har to`rt tomonida stollar to`rt -olti kishi o`tiradigan qilib did bilan qo`yiladi.

Dasturxonlar to`shalgan stol usti gul va bahorning tansiq taomlari bilan bezatiladi (Sumalak, ko`k somsa, chuchvaralar, xar-hil o`zbek milliy taomlari).

Dinamik orqali bahor faslini madh etuvchi kuy jarangdor sado berib turadi.

Bayramga maktab o`quvchilari, o`qituvchilar, faxriylar, mahalla oqsoqollari taklif etiladi. Bayramni olib boruvchi barcha bayram qatnashchilarini bezatilgan dasturxonga taklif etadi. Shu tariqa Navro`z bayrami tantanali ravishda boshlanadi.

Boshlovchi: Ona yurtim bag`ring to`lib ol nafas.

                       Ozodlikning Navro`zlari muborak!

                       Xar chexrada barq urmoqda istiqlol.

                       Turkistonim istiqboldan ber darak.

                      Erk nasimi elaversin gurkirab.

                      Dala-tuzing chechaklarga burkansin.

                      Alp o`g`loning tuprog`ingga bosh urib.

                      Maysalardan birlashmoqni o`rgansin.

Boshlovchi: Assalomu alaykum Navro`z qatnashchilari!

           Sizlarni yangi yil bahor bayrami bilan chin qalbimdan tabriklayman.

 Aziz mehmonlar! Navro`zning nozu-ne’matiga to`la bo`lgan dasturxon sizga    muntazir. Navro`z dasturxoniga marhamat!

Bugungi bayramingiz ko`ngilli o`tsin.

Navbat san’atkorlarga beriladi. Navro`zni madh etuvchi qo`shiqlar zal bo`ylab jaranglaydi.

Boshlovchi: Navro`z! Bahor! Asrlardan beri xalqimizning bunday an’anasi bor. Bu an’anasi Navro`z saylidir. Shoirman, mussavirman, san’atkorman degan kishi borki, bu shodiyonani tasvirlashga albatta urinib ko`radi. Bu shodiyona-dan qalbi larzaga kelmagan ijodkor xali tug`ilmagan. Bu fasl muhabbat va uyg`onish fasli, qo`yi baraka, mehnat va jasorat fasli. Bayram qatnashchilari-ni tabriklash uchun mehmonlarga so`z beriladi.

Boshlovchi:

                 To`lg`ondi yer, yengil to`lg`ondi.

                 Bo`sh tuproq bag`rini yorib.

                 Nozik yashil maysa uyg`ondi.

                 To`lg`ondi yer, yengil to`lg`ondi.

                 Navdalarni uchida kulib,

                 Bahor uyg`ondi…

Tavsiya etamiz: 21 mart navro’z bayrami uchun tabrik sherlar va tilaklar to’plami

Ha bahor uyg`ondi. Bahor bilan birga odamlar qalbida shijoat uyg`ondi.

Dalalar uyg`ondi. Dalalarda jasorat uyg`ondi, mehnat uyg`ondi. Navro`z saylida qaytayotgan dehqon to`g`ri dalasiga yo`l oladi. Navro`z, shu zahmatkash dehqonlar haqqi hurmati qadaming qutlug` bo`lsin.

Tabrik so`zi beriladi. San’atkorlar bahorni madh etuvchi qo`shiqlar kuylaydi. Bayram qatnashchilari raqsga tushadilar.

Boshlovchi: O`ynamoq, kuylamoq kerak

                          Kelganda Navro`z bayrami

                          Bog` aro yurmoq kerak.

                          Kelganda Navro`z bayrami

                          Lolalar termoq kerak

                          Kelganda Navro`z bayrami

                          Gashtini surmoq kerak.

Ha, bu faslda somsa-yu sumalak pishirish bilan ovvora bo`ladi. Erkaklar  ketmon-u o`roq charxlab yerga kerakli bo`lgan asbob uskunalar tayyorlaydilar. Xuddi ana shu kezlarda og`ilxona mollarini oftoboy joylarga olib chiqiladi. Qish bo`yi ifloslangan junlarini yuvib taraladi. Bu faslda yerga ko`chat o`tkaziladi, urug` tashlanadi. Shundan so`ng bir guruh qizlar  “Navro`z” haqida she’rlar mushoirasini davom ettiradi. Qizlar she’r o`qiyotganda “Bahor” valsi kuyi san’atkorlar tomonidan ijro etiladi. Navbat san’atkorlarga beriladi.

Boshlovchi:

Lolalar alvon-alvon,

Sumalak berar darmon

Sumalak yetmay qolgan,

Bir umr qilar armon.

Bilasizmi? “Sumalak” ne deganq “Sumalak” aslida “Sumalak” o`ttiz farishta degani. Sumalak pishayotganda qozon boshida o`ttiz malak o`tiradi. Oshpaz emas o`shalar, pari-yu farishtalar pishiradi. Tong maxali hamma charchab uxlab qolganda farishtalar sumalakga tuz soladilar. Farishtalar qo`lidan tuz yegan sumalak shirin bo`ladi. Ha do`stlar, sumalak –  qutluqosh, uni yegan savob topadi.

Afsona shunday talqin topgan.

Tarixiy guvox berishicha esa “Sumalak” forscha “Samoni” bug`doy maysasi so`zidan kelib chiqqan deb faraz qilishadi. Navbat san’atkorlarga beriladi.

Boshlovchi:

Dimoqqa yalpizlar nafasi urar,

 Yurakda muattar chechaklar

 Osmonda boshuraziz mehmonim

Navro`zing muborak, O`zbekistonim!

Ha, ne-ne davrlar o`tdi boshingdan, O`zbekistonim. Ne-ne zamonlar o`tdi. Ne-

ne bo`ronlarda ne-ne g`oyalar yemirilib ketdi.

Lekin xalqning asriy bir an’anasi hamon yashab kelmoqda. Bu mehnat, ezgulikni, bahorni ulug`lovchi umumxalq bayrami “Navro`z” saylidir.   

Navbat san’atkorlarga beriladi.

Boshlovchi:

             Turnalar yurtinga qaytgani kabi

             Bag`ringa qaytmoqda alyor baytlaring

             Moviydan xayolchang ko`rinish berar

             Ming shukur tabarruk ulug` zotlari

             Buyuk daxolarni bergan bo`stonim

             Yangi yiling qutlug`, O`zbekistonim…

Bu faslda odamlar to`da-to`da bo`lib sayrlarga chiqishadi. Bir – birlarini bahor bilan qutlashadi. Bir – birlariga faqat yaxshilik ulashadi. Gullar ulashadi, birga kuylashadi. Odamlar bir-birlariga faqat baxt tilab kuylagan bunday paytda olam sevinchga to`lib ketadi.

Shundan so`ng qiziqarli savol-javob o`yinlari boshlanadi.

Boshlovchi:    Maysalarning yashil tug`yoni dilda

                         Qalblarda nish urgan orzular go`zal

                         Yurtim tuprog`ingga kirib kelmoqda

                         Xirotdan Navoiy bitgan shox go`zal

                         O`zliging muborak, O`zbekistonim

                          Navro`zing muborak, O`zbeksitonim!

Navro`z bahorning boshlanishi, boychechak bahorning elchisi.  Boychechakni ko`rganda faqat ezgu niyat qilish kerak. Shu Navro`z tongida qo`lida boychechak tutib qiyqirib o`ynayotgan shu bolalar baxti uchun ne-ne  urushlardan bag`ri kuygan xalqim ulkan koinotdagi mitti sayyora Ona zaminga tinchlik omonlik tilaydi:

                            Yomon yurmasin, to`zon turmasin.

                            Gullar so`lmasin, inson o`lmasin.

                            Hammasin, hammasin osmon asrasin

                            Dushman hammasin bolalar sasin

                            Sovuq nafasin olov yamlasin.

Ko`ngilli o`tayotgan “Navro`z” sayli shu tariqada davom etadi.

Bayram senariysini word variantda yuklab oling. Navro`z umumxalq bayrami.senariysi yuklab olish